پاڈوکون کا شاہد کے ساتھ کام کرنے کا خواب پورا ہوگیا

بالی وڈ کی مشہور ڈمپل گرل اداکارہ دیپکا پاڈوکون کا ایک خواب اب پورا ہو گیا ہے۔باجی راؤ مستانی کی کامیابی سے پرجوش لیلا بھنسالی ایک اور پیریڈ ڈرامہ فلم پدماوتی بنارہے ہیں جو علاء الدین خلجی اور میواڑ کی ملکہ پدماوتي کے جنون عشق کی کہانی کو پیش کرے گی۔ رانی پدماوتي اپنی خوبصورتی، عقل اور ہمت کے لئے مشہور تھیں ۔ اس فلم میں پدماوتي کا کردار دیپیکا پاڈوکون نبھارہی ہیں جبکہ علاؤالدین خلجی کے کردار میں رنویر سنگھ نظر آئیں گے ان کے علاوہ شاہد کپور دیپکا کے



شوہر کا کردار ادا کر رہے ہیں۔ پاڈوکون کافی عرصہ سے شاہد کپور کے ساتھ بھی جوڑی بنانا چاہتی تھیں۔ حال ہی میں جب دیپکا سے پوچھا گیا کہ وہ بالی وڈ کے کس اداکار کے ساتھ کام کرنا چاہتی ہیں، تو انہوں نے شاہد کا نام لیا تھا۔ ان کا کہنا تھا کہ انہوں نے فائنڈنگ فینی میں شاہد کے والد پنکج کپور اور رام لیلا میں ان کی والدہ سپریا پاٹھک کے ساتھ کام کیا ہے اور وہ دونوں بہترین فنکار ہیں۔ اس لئے انہیں لگتا ہے کہ شاہد بھی بہت اچھے اداکار ہیں اور ان کے ساتھ کام کرنے میں مزہ آئے گا۔